Cookies help us provide better user experience. By using our website, you agree to the use of cookies.

კეთილი იყოს თქვენი მობრძანება ღვინის სამშობლოში!

 საქართველოს უძველეს კუთხეში, კახეთში რომელიც აუცილებლად დაგამახსოვრებთ თავს განსაკუთრებული სტუმარმასპინძლობით, უგემრიელესი სამზარეულოთი თუ გამორჩეული ქართული ტრადიციებით. სასტუმრო “ძველი თელავი” თქვენს მოგზაურობას კიდევ უფრო სავსე, გემრიელ, ხალისიან და საინტერესო თავგადასავლებს შემატებს. 

სასტუმრო კახეთის გულში, თელავში მდებარეობს და ორი სამ სართულიანი შენობისგან შედგება. პირველი შენობა მე-19 საუკუნით თარიღდება და ისტორიულ ძეგლს წარმოადგენს. მისი არქიტექტურა ძველი და თანამედროვე სტილის სინთეზით გამოირჩევა. სასტუმროს ეს ისტორიული ნაწილი მოიცავს 12 ნომერს ხედით მთავარ ქუჩასა და შიდა ეზოზე. სასტუმროს მეორე ნაწილი თანამედროვე ნაგებობას წარმოადგენს და 23 ნომრისგან შედგება ხედით მთავარ ქუჩაზე.

სასტურო “ძველი თელავი” საუკეთესო არჩევანია მათთვის, ვისაც სურს რომ უკეთ გაეცნოს ქართულ ტრადიციებს, გაიგოს როგორ მზადდება საუკეთესო ჩურჩხელა და რა საიდუმლო ამბებს ინახავს ქართული წესით დაყენებული კახური ღვინო ჩვენს წინაპრებზე, მათ მიერ დაწერილ ისტორიასა თუ ძირძველ ადათ-წესებზე.

იდეალური ადგილმდებარეობა, წარსული და თანამედროვე ცხოვრების იდეალური სინთეზი, კომფორტული გარემო, უგემრიელესი კერძები, მუდამ მომღიმარი და კეთილგანწყობილი მომსახურე პერსონალი  - ეს ის ჩამონათვალია, რომელიც არჩევანის გაკეთებას გაგიადვილებთ და თქვენი მოგზაურობის დღეების გატარებას “ძველ თელავში” გადაგაწყვეტინებთ. 

“ძველი თელავის” პერსონალი საუკეთესო დასვენებას გისურვებთ!